کراچی (لارڈ میڈیا): سونے کے زیورات کی چمک بحال کرنے کے لیے گھر میں چند آسان طریقے استعمال کیے جا سکتے ہیں، جس سے اضافی خرچ سے بچا جا سکتا ہے۔ خواتین کی پسندیدہ اشیاء میں شامل سونے کے زیورات وقت کے ساتھ دھول مٹی، پسینے اور دیگر عوامل کے باعث اپنی چمک کھو دیتے ہیں۔

گھر پر سونے کے زیورات کی صفائی کے لیے بیکنگ سوڈا، ہلدی اور ہلکا صابن استعمال کیا جا سکتا ہے۔ ایک برتن میں پانی گرم کر کے اس میں بیکنگ سوڈا ڈالیں، اور زیورات کو پانچ منٹ تک ابلنے دیں۔ پھر انہیں نرم برش سے صاف کریں۔

ہلدی کا استعمال زیورات کی چمک بڑھانے میں مددگار ثابت ہوتا ہے۔ زیورات کو دھونے کے بعد ان پر ہلدی مل کر چند منٹ بعد صاف پانی سے دھو لیں۔

گھریلو صفائی کے دوران احتیاطی تدابیر اختیار کرنا ضروری ہے۔ زیورات میں جڑے پتھروں کو حرارت سے محفوظ رکھیں اور گولڈ پلیٹڈ زیورات کو نرم کپڑے سے صاف کریں تاکہ ان کی تہہ متاثر نہ ہو۔