اسلام آباد (لارڈ میڈیا): وفاقی وزیر داخلہ محسن نقوی نے نئے صوبوں کے قیام کے حوالے سے عوامی رائے جاننے کے لیے ریفرنڈم کرانے کا مشورہ دیا ہے۔ ان کا کہنا ہے کہ اگر عوام نئے صوبے نہیں چاہتے تو انہیں نہ بنایا جائے۔

محسن نقوی نے میڈیا سے گفتگو کرتے ہوئے کہا کہ سیاسی جماعتیں عوامی سروے کا جائزہ لیں، کیونکہ یہ سروے نئے صوبوں کے حق میں ہیں۔ انہوں نے بلاول بھٹو کی سیاسی ری سیٹ کی تجویز کی حمایت کی اور کہا کہ تمام نظام کو ری سیٹ کرنے کی ضرورت ہے۔

وزیر داخلہ نے بتایا کہ مولانا کے 6 سے 7 افراد کو نوٹس جاری کیے گئے ہیں جبکہ مولانا کو کوئی نوٹس نہیں ملا۔ انہوں نے کہا کہ ملک میں کرپشن موجود ہے اور اسے تسلیم کرکے درست کرنا ہوگا۔

محسن نقوی نے مزید کہا کہ بانی پی ٹی آئی کے قانونی حقوق کو یقینی بنایا جائے گا۔