ایران کے صدر مسعود پزشکیان نے امریکا پر الزام لگایا کہ واشنگٹن ایران کے جوہری ہتھیاروں کے خدشات کو جواز بنا کر جنگی دھمکیاں دے رہا ہے، جس سے کشیدگی میں اضافہ ہو رہا ہے۔
تہران (لارڈ میڈیا): ایران کے صدر مسعود پزشکیان نے امریکا پر الزام لگایا ہے کہ واشنگٹن ایران کے جوہری ہتھیاروں کے حصول کے خدشات کو جواز بنا کر جنگی دھمکیاں دے رہا ہے۔ سوشل میڈیا پر بیان دیتے ہوئے انہوں نے کہا کہ امریکا نے جنوبی ایران کے شہر لامرد میں پہلی مرتبہ پی آر ایس ایم میزائل استعمال کیا۔
ایرانی صدر نے کہا کہ واشنگٹن اب ‘مدر آف آل بمبز’ کا حوالہ دے کر دھمکیوں کے ذریعے سفارتکاری کو آگے بڑھانا چاہتا ہے۔ انہوں نے سوال اٹھایا کہ عالمی امن کے لیے اصل خطرہ کون ہے؟
رپورٹس کے مطابق 28 فروری 2026 کو لامرد میں ایک حملے میں 21 شہری جاں بحق ہوئے تھے۔ امریکی سینٹرل کمانڈ نے حملے کی ذمہ داری قبول کرنے سے انکار کیا ہے اور دعویٰ کیا کہ وہاں ایرانی کروز میزائل استعمال ہوا۔
امریکی میڈیا کے مطابق وائٹ ہاؤس نے ایران کے خلاف مدر آف آل بمبز کے ممکنہ استعمال کے منصوبے تیار کیے تھے۔ ایران اور امریکا کے درمیان کشیدگی کا بنیادی سبب ایران کا جوہری پروگرام ہے۔
ایران نے جوہری عدم پھیلاؤ کے معاہدے سے وابستگی برقرار رکھنے کا اعلان کیا ہے، تاہم بعض سخت گیر حلقے معاہدے سے علیحدگی کے مطالبات کر رہے ہیں۔
قطر اور پاکستان کے ذریعے مذاکرات کی بحالی کی کوششیں جاری ہیں۔ تاہم ایران کا کہنا ہے کہ امریکی پابندیوں اور فوجی دباؤ میں مذاکرات ممکن نہیں۔
دیگر متعلقہ خبریں
اہم ترین
قومی خبریں
